İntihar edən pornoulduzlar - Foto

Pornoulduzlar arasında intihar halları geniş yayılıb.

Teleqraf.com xəbər verir ki, daim ictimai qınaqlarla üzləşən, narkotikə meylli olan, ailələri tərəfindən imtina edilən film qəhrəmanları tez-tez depressiyaya düşür və bundan qurtulmaq üçün bəzi hallarda intihara əl atırlar. Özünü öldürən pornoulduzların bəzilərini təqdim edirik.

Mersedes Qrabovski - Ötən il dekabrın 8-də Oqast Eyms ləqəbi ilə tanınan məşhur porno aktrisası Mersedes Qrabovski intihar edib.

25 yaşlı ulduzun homofobiya ittihamları üzündən intihar etdiyi bildirilib. Qeyd olunur ki, o, homoseksual mövzuda videolara çəkilmiş aktyorla yeni porno filmdə rol almaqdan imtina edib. Mercedesin bu addımı birmənalı qarşılanmayıb və etirazla qarşılanıb. Etirazlardan doğan təzyiqlər Mersedesin həyatına son qoyub.

Konstanti Moraitis - 20 yaşlı Konstanti Moraitis 2015-ci ilin dekabrında intihar edib. Dmitri Xan ləqəbini götürmüş aktyor qey-pornolara çəkilib. O, ömrünün sonlarına yaxın narkotikdən əziyyət çəkirdi və Florida şəhərindəki Şəfa Mərkəzində müalicə olunub. Ailəsi onun aktyorluq fəaliyyətini dəstəkləyib.

Alisa Funke - 19 yaşlı tələbə Alisa Funke 16 aprel 2014-cü ildə intihar edib. ABŞ-ın Minnesota ştatının sakini Alisa mart ayında naməlum bir kişi ilə sekslə məşğul olub və çəkilmiş videonu internet saytında yerləşdirib. Seks videosu yayıldıqdan sonra yeniyetmə keçmiş sinif yoldaşları tərəfindən təhqirlərə məruz qalıb. Təhqir və nalayiq sözlərə tab gətirməyən tibb universitetinin tələbəsi aprel ayında silah alıb. Şəhər ətrafında yerləşən gölün yaxınlığına gedərək intihar edib.

Uilfred Nayt - 35 yaşlı aktyor Uilfred Nayt (Wilfred Knight) 5 mart 2013-cü ildə intihar edib. O, ABŞ-dan Deportasiya ediləndən sonra Kanadada yaşamalı olub. Oğlan sevgilisi Ceri Enrikesomdan ayrılan Uilfred depressiyaya düşüb və intihara əl atıb. Uilfreddən sonra oğlan dostu da ayrılığa dözməyərək intihar edib.

Stepan Klansi Hill - 34 yaşlı porno aktyor Stepan Klansi Hill (Stephen Clancy Hill) 2010-cu ilin iyun ayında intihar edib. Teleqraf.com xəbər verir ki, işdən çıxarılan və studiyası əlindən alınan Hill iş yerində həmkarını qılıncla öldürüb. Polisdən gizlənən aktyorun bir neçə gün sonra meyiti tapılıb.

Karen Lankom - 32 yaşlı Karen Lankom 2005-ci ildə artıq dozada narkotik qəbul edərək intihar edib. Karen peşəsindən uzaqlaşaraq təmiz ailəyə sahib olmaq, musiqi təhsili almaq istəyirdi. Amma ölüm onun arzularını yarımçıq qoydu.

Şennon Mişel Uilsi - Aktrisa 1994-cü ildə intihar edib. İstintaqın gəldiyi qənaətə görə, onun külli miqdarda borcu olub. Aktrisa eyni zamanda narkomaniya və uğursuz sevgilərdən də əziyyət çəkib.