Xəzərdə qəzaya uğrayan gəmi ilə bağlı İrandan - Açıqlama

İranın Limanlar və Gəmiçilik İdarəsi Xəzər dənizində hərbi gəminin qəzaya uğramasının səbəblərinə aydınlıq gətirib.

Teleqraf.com xəbər verir ki, idarənin rəisi Hadı Haqşenas İran Hərbi-Dəniz Qüvvələrinə məxsus “Damavand” gəmisinin Bəndər Ənzəli limanında inşa edilmiş hüdudlayıcı dalğaqırana çırpılmasını təsdiqləyərək, buna texniki nasazlığın səbəb olduğunu bildirib.

Onun sözlərin görə, insident zamanı qayıq aşıb və ekipajın 2 üzvü xəsarət alıb.

Qeyd edək ki, mətbuatda qəza zamanı 14 nəfərin xəsarət aldığına dair məlumat gedib.