Türkiyə Suriya ilə sərhədə qoşun göndərdi

Türkiyə Suriya ilə sərhəddəki Hatay bölgəsində hərbi varlığını artırır.

Teleqraf.com xarici mediaya istinadla xəbər verir ki, bu səbəbdən Ankara rəhbərliyi Hataya əlavə zirehli avtomobillərini və qüvvələrini göndərib.

İlkin iddialara görə, bütün bunlar Suriyada yeni əməliyyatların başlanması üçündür.

Qeyd edək ki, Türkiyə Prezidenti Rəcəb Tayyib Ərdoğan Suriyada əməliyyatlara başlamaq üçün hazırlıqlarla bağlı əmr vermişdi.