ABŞ-da miqrantların məxfi deportasiyası ifşa edildi

ABŞ-da miqrantların deportasiya edilməsi haqda xəbərlər ortaya çıxıb.

Teleqraf.com xəbər verir ki, ABŞ prezidenti Donald Tramp müsəlman və köçkünlərə qarşı siyasətə start verdikdən sonra ilk deportasiya faktlarına rast gəlinib.

Bəlli olub ki, Çikaqo ştatına 50 kilometrlik məsafədə yerləşən Gary hava limanında məxfi şəkildə deportasiya əməliyyatı həyata keçirilir. Xəbərə görə, Gary hava limanında deportasiya prosesi həftənin cümə günləri həyata keçirilir.

Məlumata görə, Çikaqo, İndiana və yaxın ərazilərdə saxlanılan qanunsuz miqrantların deportasiya edilməsi tam məxfilik saxlanılmaqla reallaşdırılır.

Deportasiyadan əvvəl Gary hava limanına Vorld Atlantik Havayollarına ait təyyarə onun üçün ayrılan xəttdə dayanır. Deportasiya edilən qaçqınlar xüsusi avtobusda və müşahidə altında hava limanının arxa qapısından təyyarəyə mindirilir.