Kabildə akademiyaya silahlı hücum: 5 ölü - Yeniləndi

08:58

Əfqanıstanın paytaxtı Kabildə bir qrup silahlı hərbi akademiyaya hücum edib.

Teleqraf.com xəbər verir ki, təhsil ocağında atışma səsləri eşidilib.

Hadisənin detalları barədə məlumat verilmir.

***

Kabildə akademiyaya silahlı hücum nəticəsində 5 əfqan hərbçisi həlak olub, 10 nəfər yaralanıb.

Hücum edənlərdən 4-ü öldürülüb, biri ələ keçirilib.

Məlumata görə, terrorçular bu dəfə Marşal Fahim adına Milli Hərbi Universiteti hədəf seçiblər.

Hazırda təhsil müəssisəsinə aparan bütün yollar bağlanıb.

Rəsmi qurumlar da ali hərbi təhsil müəssisəsinə terror hücumunun törədildiyini təsdiqləyiblər.

Əfqanıstanın paytaxtı Kabildə hərbi akademiyaya hücuma görə İŞİD terror qruplaşması məsuliyyəti öz üzərinə götürüb.