TSQ Türk ordusunun itkilərini açıqladı - Yeniləndi/Video

21.55

Suriyanın Afrin şəhərinin Cindərəsi bölgəsində gün ərzində 3, vurulan vertolyotda isə 2 əsgərimiz şəhid oldu.

Teleqraf.com-un Türkiyə KİV-ə istinadən xəbərinə görə, bu barədə Türkiyə Silahlı Qüvvələrinin yaydığı açıqlamada bildirilir.

Xəbərə görə, dünən davam etdirilən "Zeytun budağı" əməliyyatı çərçivəsində PKK, YPG və İŞİD üzvü olan 15 terrorçi məhv edilib.

***

Türkiyənin Suriyanın Afrin bölgəsində keçirdiyi "Zeytun budağı" əməliyyatı zamanı bu gün şəhid olan türk əsgərlərinin sayı 7 nəfərə çatıb.

Teleqraf.com xəbər verir ki, bu barədə TSQ-nin yaydığı son məlumatda bildirilir.

Xəbərə görə, bu gün 9 türk əsgəri yaralanıb. Zərərsizləşdirilən terrorçuların sayı isə 26 nəfərdir.