Trampı tənqid edən idmançıya qarğış yağdırdılar

"Qızıl medal qazansam, Ağ Evə getməyəcəyəm. Mən Trampı yox, Amerika xalqını təmsil edirəm".

Teleqraf.com xarici mediaya istiandla xəbər verir ki, bu sözləri Pyonçanq-2018 Qış Olimpiya Oyunlarına qatılmazdan öncə 33 yaşlı xizəkçi Lindsey Vonn səsləndirib.

Lindsey Vonn Olimpiya Oyunları zamanı ciddi uğur qazanmadığına və ölkə başçısının ünvanına söylədiyi sözlərə görə sərt tənqid edilib. Ona qarşı “öl, şikəst qal” ifadələri işlədilib.

Əfsanəvi xizəkçi isə bu şərhlərə belə reaksiya verib: “Bu, təcavüzçülərin, saxta sosial şəbəkə istifadəçilərinin işidir. Qarşılarındakı kompüterlər və əllərindəki telefonlarla sizi məğlub etmək istəyirlər, amma mən məğlub olmadım. Mən yenə Lindsey Vonnam”.

Xatırladaq ki, Vonn bugünədək Olimpiya və dünya çempionatlarında 3-ü qızıl olmaqla 9 medal qazanıb.