"Tramp, əsl rüsvayçılıq budur..." – Slutski

ABŞ Prezidenti Donald Trampın bəyanatının gerçəkliklə heç bir əlaqəsi yoxdur.

Teleqraf.com xəbər verir ki, bunu Trampın bəyanatına münasibət bildirən Rusiya Dövlət Dumasının Beynəlxalq əlaqələr komitəsinin rəhbəri Leonid Slutski deyib.

O qeyd edib ki, “rüsvayçılıq” sözü ABŞ-ın Liviyanı doğramasına, Yuqoslaviyanı parçalamasına, İraqdakı müharibəyə daha uyğun gəlir.

Qeyd edək ki, ABŞ Prezidenti Donald Tramp fevralın 23-də Vaşinqtona səfər edən Avstraliyanın baş naziri Malkom Turnbulla görüşdən sonra keçirdiyi mətbuat konfransında Rusiya və İranın Suriya siyasətini kəskin tənqid edib:

“Hesab edirik ki, İranla Rusiyanın Suriyada dinc əhaliyə qarşı atdığı addımlar, onların Əsəd rejiminin yanında olması və ona dəstək verməsi böyük rüsvayçılıqdan başqa bir şey deyil. Bu isə dayandırılmalıdır”.