Rusiya səfirliyində 389 kilo narkotik: Açıqlama – Video

Rusiyanın Argentinadakı səfirliyində narkotik maddənin tapılması ilə bağlı Moskvadan rəsmi açıqlama gəlib.

Teleqraf.com xarici mediaya istinadla xəbər verir ki, bununla bağlı Rusiya xarici işlər nazirinin müavini Sergey Ryabkov danışıb.

O bildirib ki, aparılan araşdırmalar zamanı hadisənin təfərrüatı aydınlaşıb:

“Narkotik maddələrlə yüklü torbaları səfirlik binasına texniki heyətin əməkdaşı keçirib”.

Faktla əlaqədar bir neçə nəfər saxlanılıb.

Qeyd edək ki, Rusiya və Argentina tərəfinin fevralın 23-də birgə apardığı axtarış zamanı Rusiya səfirliyində 389 kiloqram narkotik maddə aşkar edilib.