“Taliban” sərnişin avtobusunu qaçırdı

“Taliban” terror təşkilatının silahlıları Əfqanıstanda sərnişin avtobusunu qaçırıblar.

Teleqraf.com xarici mediaya istinadla xəbər verir ki, avtobus Qandahardan Uruzqana gedirmiş. Qaçırılan avtobusda 20 sərnişin olub. Qandahar polisi faktı təsdiq edib. Avtobusun sərnişinlərlərlə birlikdə naməlum istiqamətə aparıldığı bildirilib.

Qeyd edək ki, Əfqanıstan Prezidenti Əşrəf Qəni Əhmədzai bu gün “Taliban” terror təşkilatı ilə sülh prosesinin başladılması üçün hökumətə çağırış edib.