YPG-nin iki "naziri" Afrindən qaçdı - Türk xofu

Türkiyə Silahlı Qüvvələrinin "Zeytun budağı" hərəkatından qorxuya düşən YPG liderləri Afrini tərk etməyə başlayıb.

Teleqraf.com "Anadolu" agentliyinə istinadla xəbər verir ki, ilk qaçan şəxs YPG-nin "ədliyyə naziri" Səid İsmət Qubar olub. O, İranın dəstəklədiyi qrupların nəzarətində olan Nubul şəhərinə gəlib. YPG liderləri Qubarı geri qaytarmaq üçün İranın dəstəklədiyi qruplarla danışıqlara başlayıb.

Daha sonra YPG-nin "daxili işlər naziri" Həsən Bayram Ziyarə sərhəd keçid məntəqəsindən qaçmağa çalışarkən yaxalanıb.

Bundan başqa, YPG-nin Qəndildəki liderləri də bölgəni tərk edib.