Tramp və Tereza Mey anti-Rusiya müzakirəsi apardılar

ABŞ prezidenti Donald Tramp ilə Böyük Britaniyanın baş naziri Tereza Mey arasında telefon danışığı olub.

Teleqraf.com xəbər verir ki, tərəflər Rusiyanın Qərbdəki casusluq fəaliyyətini müzakirə ediblər.

Ağ Ev-dən verilən məlumata görə, liderlər Rusiyanın hər iki ölkədəki casusluq fəaliyyətinin və yeni kimyəvi silahdan istifadəsinin qarşısının alınmasının vacibliyini vurğulayıblar.

Xatırladaq ki, martın 4-də Böyük Britaniyanın cənubundakı Solsberi şəhərində Rusiya Baş Kəşfiyyat İdarəsinin (QRU) keçmiş polkovniki Sergey Skripal və onun qızı Yuliyaya əsəb-iflic qazı vasitəsilə hücum edilib. Onlar şəhərdə huşsuz vəziyyətdə tapılaraq, xəstəxanaya çatdırılıblar.

Hadisə ilə əlaqədar Britaniyada Rusiyanın 23, ABŞ isə 60 diplomatının ölkədən çıxarılması barədə qərar qəbul edilib.