ABŞ diplomatları Peterburq konsulluğunu tərk edir - Video/Yeni

2018.03.29 21:36

Rusiya ABŞ-ın Sankt Peterburqdakı konsulluğunu bağlamaq barədə qərar qəbul edib.

Teleqraf.com-un məlumatına görə, Rusiya Xarici İşlər naziri Sergey Lavrov bildirib ki, Qərb ölkələrindən çıxarılan rus diplomatlarının sayı qədər əcnəbi diplomatları yola salacaqlar.

Nazir vurğulayıb ki, ABŞ-ın Rusiyadakı səfiri Hanstman Rusiya Xarici İşlər Nazirliyinə (XİN) dəvət edilib və XİN başçısının müavini Sergey Ryabkov səfirə bu barədə məlumat verib. S.Lavrov bu addımın ABŞ-ın rus diplomatlarını öz ərazisindən çıxarmasına cavab olduğunu qeyd edib.

Qeyd edək ki, Rusiya Müdafiə Nazirliyi Baş Kəşfiyyat İdarəsinin sabiq zabiti Sergey Skripalın Solsberidə zəhərlənməsindən sonra Britaniya Rusiyanın 23 diplomatını ölkədən çıxarıb. Martın 25-də isə Britaniya iıə həmrəylik nümayiş etdirən ABŞ, Avropa Birliyi ölkələri və bəzi digər dövlətlər ümumilikdə 140-dan çox Rusiya diplomatını "arzuolunmaz şəxs" elan ediblər.

***

Rusiyanın qərarından sonra amerikalı diplomatlar Sankt Peterburqdakı konsulluğu tərk etməyə başlayıb.

Bununla bağlı Rusiya mediası məlumat yayıb: "Konsulluq əməkdaşları tələsmədən əşyalarını yığaraq, binanı tərk edirlər".