Bağlamadan partlayıcı çıxdı - Berlində daha bir həyəcan

Bu gün Berlin Sənətkarlar Palatasında içərisində partlayıcı maddə olan bağlama aşkar edilib.

Teleqraf.com xəbər verir ki, şübhəli bağlama barədə dərhal polisə məlumat verilib. Təhlükəli bağlama zərərsizləşdirilib.

Polis partlayıcı qurğunun işə düşəcəyi təqdirdə ətrafdakı insanlara ciddi xəsarət yetirəcə biləcəyini qeyd edib.

Qeyd edək ki, yanvarın 12-də Berlin banklarının birinin ünvanına göndərilən bağlamadan pirotexnika materialı və fitil qurğusu çıxmışdı. Potsdamda şəhərin mərkəzindəki əczaxanaya daxil olmuş bağlamanın içərisindəki konserv bankasına bənzəyən metal qabdan yüzlərlə mismar və fişəng aşkar edilmişdi.