Makronun ABŞ-a hədiyyə apardığı palıd yoxa çıxdı - Video

ABŞ və Fransa prezidentlərinin Ağ Evin çəmənliyində əkdikləri palıd yoxa çıxıb.

Teleqraf.com xəbər verir ki, “Deyli Meyl”in həmin yerdən paylaşdığı son foto palıdın yoxa çıxdığını göstərir.

Ağ Evdən faktla bağlı hələ ki, bir açıqlama verilməyib.

Qeyd edək ki, Fransa Prezidenti Emmanuel Makron xanımı Bricitlə iki dövlətin 250 illiyi münasibəti ilə Vaşinqtona səfər edib. Onlar ABŞ-a hədiyyə kimi 1918-ci ildə - I Dünya müharibəsi zamanı Amerika əsgərləri ilə birgə böyük döyüşün getdiyi məşhur Belo meşəsindən palıd tingi aparıblar və birlikdə onu Ağ Evin həyətində əkiblər.

“100 il qabaq Amerika əsgərləri Belo meşəsində Fransanın azadlığı uğrunda döyüşüblər. Bu palıd Ağ Evin qəlbində bizi birləşdirən əlaqənin xatirəsi olacaq”, - Makron Tvitterdə yazıb.