Türkiyə və ABŞ generalları arasında kritik telefon danışığı

Türkiyə Baş Qərargah rəisi, ordu generalı Hulusi Akarla ABŞ-ın Baş Qərargah Rəisləri Komitəsinin sədri general Cozef Danford arasında telefon danışığı olub.

Teleqraf.com Türkiyə KİV-inə istinadla xəbər verir ki, tərəflər Suriyadakı vəziyyəti müzakirə ediblər.

ABŞ Silahlı Qüvvələri Baş Qərargahının sözçüsü polkovnik Patrik Rayder deyib ki, generallar İŞİD-in birdəfəlik məğlubiyyəti daxil olmaqla Suriya mövzusunda danışıqları davam etdiriblər.

Onun sözlərinə görə, Türkiyə və ABŞ NATO-nun kilid üzvləridir və iki ölkə arasında hərbi əlaqələr güclüdür.