Lukaşenko Rusiyanı ittiham etdi

Belarus Prezidenti Aleksandr Lukaşenko Rusiyanı Böyük Vətən Müharibəsi ilə bağlı ənənəyə görə tənqid edib.

Teleqraf.com xəbər verir ki, bu barədə hökumət başçısının saytında məlumat yayılıb.

Lukaşenko əsasən qələbəni "özəlləşdirmək"də ittiham edib:

“Sanki müharibədə başqaları-belaruslar, ukraynalılar, gürcülər, ermənilər, taciklər, türkmənlər və digərləri olmayıb. Bütün Sovet İttifaqı müharibədə döyüşüb”.

A. Lukaşenko qeyd edib ki, müharibədə sovet xalqı qələbə qazanıb və onu özəlləşdirməkdən söz gedə bilməz.