Əli pulla oynayan məmurlar testdən keçirilir - 100 milyon dollarlıq korrupsiya

Keniya Prezidenti Uxuru Kenyattaya bəyan edib ki, ölkədə korrupsiya ilə mübarizə çərçivəsində satın almalar və mühasibatlıq sahəsində işləyən yüksək çinli məmurlar xüsusi testdən keçiriləcək.

Teleqraf.com xəbər verir ki, ötən həftə 100 milyon dollarlıq korrupsiya skandalı ilə silkələnən Keniyada bu kimi hallara qarşı yeni metodla mübarizə başlayır.

Dövlət başçısı bəyan edib ki, ölkədə korrupsiyaya ilə mübarizə çərçivəsində satınalma və mühasibatlıqdan cavabdeh məmurlar yalan maşını testindən keçiriləcək. Bu test sayəsində məmurların şəffaf olub-olmadığı müəyyən ediləcək.

Testə girməkdən imtina edənlər dərhal vəzifələrindən alınacaq və barələrində araşdırma aparılacaq.