Rusiya İnterpoldan çıxarıla bilər - Gizli şəbəkə…

İngiltərədən olan deputatlar Rusiya Prezidenti Vladimir Putini sərt tənqidləri ilə tanınan ingilis iş adamı Bill Brouderin həbs edilməsindən sonra Rusiyanın İnterpol üzvlüyündən çıxarılmasını tələb ediblər.

Teleqraf.com xarici KİV-ə istinadən xəbər verir ki, deputatlar bununla bağlı İngiltərənin daxili işlər naziri Sacid Cavidə müraciət ünvanlayıblar.

Müraciətdə bildirilir ki, Rusiya Bill Brouderə təzyiq etmək üçün İnterpoldan istifadə edir: “Buna görə, İnterpolun özündən də hesabat tələb etmək lazımdır”.

Qeyd edək ki, Bill Brouder mayın 30-da İspaniyada saxlanılıb. Lakin polisdə dindirildikdən sonra sərbəst buraxılıb.

İngilis iş adamı Rusiyanın onu İnterpola verdiyinə görə, ABŞ-a gedə bilmədiyini açıqlamışdı. Bundan sonra Interpol yetkililəri Rusiyanın bu qurumdan öz məqsədləri üçün istifadə etdiyini və burada Moskvaya bağlı gizli şəbəkənin olduğunu bildirmişdi.