Səudiyyəli futbolçular cəzalanacaq – Şok qərar

Səudiyyə Ərəbistanı yığmasının oyunçuları Rusiya millisi ilə oyunda öz imkanlarının heç beş faizindən də istifadə etmədilər.

Teleqraf.com xəbər verir ki, bunu krallığın İdman İdarəsinin rəhbəri Turki əl-Şeyx bildirib. O, “Tvitter”də yerləşdirdiyi videoda qeyd edib ki, millinin oyunçuları üçün mümkün olan hər şeyi ediblər:

“Üç il ərzində onların bütün xərclərini ödədik, onlar üçün dünya səviyyəli məşqçi komandası və dünya səviyyəli məşqçi təyin etdik. Bu həqiqəti qəbul etməliyik ki, oyun onların imkan və bacarıqlarına uyğun gəlmədi”.

Əl-Şeyx bildirib ki, yığmanın bərbad oyununa görə, krallığın vəliəhd şahzadəsi və azarkeşlər qarşısında məsuliyyəti tam olaraq öz üzərinə götürür. O, həmçinin qapıçı Abdullah əl-Mərufun, hücumçu Məhəmməd əl-Salauinin və müdafiəçi Üsamə Xavsavinin cəzalandırılacağını bildirib.

Qeyd edək ki, iyunun 14-də futbol üzrə Dünya Çempionatının açılış mərasimindən sonra Rusiya və Səudiyyə Ərəbistanı yığmaları arasında ilk oyun keçirilib. Rusiya yığması Səudiyyə Ərəbistanı komandasını 5:0 hesabı ilə məğlub edib.