Hadisədən çağırış: “Özünüzü əzdirməyin”

Türkiyənin tanınmış müğənnisi Hadisə Antalyada təşkil olunan 21-ci Beynəlxalq Kaş Mədəniyyət Festivalı çərçivəsində konsert proqramı ilə çıxış edib.

Teleqraf.com Türkiyə mediasına istinadla xəbər verir ki, 2 saat davam edən konsert tamaşaçılar tərəfindən böyük maraqla qarşılanıb.

Konsert vaxtı bir neçə dəfə tamaşaçılarla ünsiyyət quran Hadisə səhnədən önəmli mesajlar verib. Müğənni üzünü qadınlara tutub "Həyatda etmək istədiyiniz nə varsa edin. Özünüzü heç kimə əzdirməyin, təhsil alın, həyatın dadını çıxarın. Qadınlara, heyvanlarımıza, əsgərlərimizə qarşı şiddətə sıfır tolerans" - deyə çağırış edib.