Vertolyot çimərliyə düşdü: ABŞ araşdırmaya başladı

Puerto-Rikoda vertolyot qəzaya uğrayıb.

Teleqraf.com xəbər verir ki, qəza nəticəsində ən azı 1 nəfər ölüb, 3 nəfər xəsarət alıb.

“Assoşieyted Press” agentliyi insidentin ölkənin şimal sahillərində baş verdiyini bildirib. Polisdən bildirilib ki, “JetRanger” markalı vertolyot Rio-Qrande yaxınlığında çimərliyə düşüb.

Hələlik qəzanın səbəblərini müəyyən etmək mümkün olmayıb. Buna baxmayaraq ABŞ-ın Mülki Aviasiya üzrə Federal İdarəsi araşdırmalara başlayıb.