Sarkisyanın ailəsinə qadağa qoyuldu

Ermənistanın keçmiş prezidenti Serj Sarkisyanın qardaşına İrəvandan kənara çıxmaq qadağası qoyulub.

Teleqraf.com xəbər verir ki, xüsusi məsələlər üzrə səfir Lev Sarkisyan və övladları qanunsuz olaraq 6,8 milyon dolları müvafiq qurumlardan gizlətməkdə şübhəli bilinirlər.

L.Sarkisyan, oğlu Narek və qızı Ani “C-el-C” Səhmdar Cəmiyyətinin ünvanına köçürülən pulları vergidən yayındırmaqda ittiham olunurlar.

Prokurorluq Sarkisyanın ailə üzvlərinin şəhərdən çıxışana qadağa qoyub.