“Rus qazı” İngiltərəni yenidən zəhərlədi – Yenə həmin məkanda

İngiltərədə iki nəfər sinir qazı (“Noviçok”) ilə zəhərlənib.

Teleqraf.com xarici KİV-ə istinadla xəbər verir ki, hadisə Salzböri şəhərində baş verib.

Şəhər xəstəxanasında müayinə edilən zərərçəkənlərin bədənlərində Rusiyada kəşfiyyat üçün istehsal edilmiş “Noviçok” aşkar olunub.

Zəhərlənən cütlüyün vəziyyəti ağırdır.

Maraqlıdır ki, hadisə mart ayında rusiyalı keçmiş kəşfiyyatçı Sergey Skripal və qızı Yuliyanın zəhərləndiyi Salzböri şəhərindən 12 kilometr məsafədə yerləşir. Hadisənin baş verdiyi Amazböri bu şəhərin tabeliyindədir.

Qeyd edək ki, Sergey Skripal və qızı bu ilin mart ayında şəhərdəki parkda zəhərlənmiş halda tapılmışdı. Araşdırmadan sonra məlum oldu ki, ata və qızı Rusiyada istehsal edilmiş sinir qazı ilə zəhərləniblər.

Bunun sui-qəsd olduğunu ehtimal edən İngiltərə Rusiya ilə diplomatik əlaqələri kəsərək rusiyalı diplomatları deportasiya etmişdi.