“Hazır olmalıdır” – Köçəryanın həbs ediləcəyi tarix açıqlandı

Ermənistan keçmiş prezidenti Robret Köçəryanın istintaqa ifadəsi kameraya alınacaq.

Teleqraf.com xəbər verir ki, bu barədə Ermənistanın Xüsusi Təftiş Xidmətinin rəisi Sasun Xaçaturyan açıqlama verib.

O, Köçəryanın iyulun 26-da dindiriləcəyini bildirib:

“Ayın 26-da istintaqın qarşısına çıxmağa hazır olmalıdır. Çox güman ki, onun ifadəsi kameraya alınacaq. Bunun cəmiyyətə açıqlanması isə istintaqı aparacaq orqanın qərarından asılıdır”.

Qeyd edək ki, Robert Köçəryan 2008-ci ildə İrəvanda keçirilmiş mitinqlərdə insanlara atəş açmaq əmri verməkdə ittiham edilir.

Ermənistanda nəşr olunan “Jamanak” qəzeti ittihamın öz təsdiqini tapacağı halda, hazırda Rusiyada olan keçmiş prezidentin iyulun 26-da həbs ediləcəyini istisna etməyib. Qəzet bununla bağlı istintaq komissiyasının bir sıra faktlar əldə etdiyini və Köçəryanın Ermənistana qayıtmasını gözlədiklərini bildirib.

“Jamanak” 26 iyul dindirilməsini “Köçəryanın həbsinə hazırlıq” adlandırıb.