Türkiyə ABŞ-ı Çinə dəyişir... – Nəhəng sövdələşmə

ABŞ-ın Türkiyəyə qarşı sanksiya tətbiqi və bu ölkəyə kredit verilməsini dayandıracağı xəbərdarlığından sonra xəzinə və maliyyə naziri Berat Albayraq Çindən 3,6 milyard dollar kredit alınacağını bildirib.

Teleqraf.com xəbər verir ki, Berat Albayraq Çinin maliyyə qurumlarından özəl sektora, banklara, ictimai qurumlara veriləcək maliyyə paketinin tamamlandığını açıqlayıb:

“Çinə səfərimiz nəticələrini verdi. Çinin maliyyə strukturlarından enerji və nəqliyyat sektoruna yatırımlar üçün özəl sektora, banklara və ictimai qurumlara veriləcək 3,6 milyard dollarlıq kredit paketi tamamlandı”.