Toy korteji qəzaya düşdü: Bəylə birgə 13 nəfər həlak oldu

Vyetnamda baş verən yol-nəqliyyat hadisəsi nəticəsində toya gedən qonaqlar, o cümlədən bəy həlak olub.

Teleqraf.com xəbər verir ki, bu barədə “Sinxua” agentliyi məlumat yayıb.

Agentlik qeyd edir ki, qəza bu gün səhər ölkənin mərkəzi hissəsində yerləşən Kuanqnam vilayətində baş verib. Bəy, yaxın qohumları və dostları ilə birgə gəlini gətirmək üçün onun yaşadığı şəhərə gedirmiş. Nəqliyyat vasitəsində ümumilikdə 17 nəfər olub. Onların əyləşdiyi nəqliyyat vasitəsi konteynerdaşıyanla qarşı-qarşıya gəlib.

Qəza nəticəsində 13 nəfər, o cümlədən bəy həlak olub, daha 4 nəfər yaralanıb.