Səudiyyəyə ballistik raket atıldı

Yəməndəki Husi qiyamçıları Səudiyyə Ərəbistanının sərhəd şəhəri olan Necrana ballistik raketlə hücum edib.

Səudiyyə Ərəbistanının dövlət televiziyası “El-İhbariyye”nin məlumatına görə, raket ölkənin hava hücumdan müdafiə qüvvələri tərəfindən məhv edilib.

Öz növbəsində, Husilərə aid “El-Mesira” telekanalı “Bedr-1” tipli ballistik raketlə Səudiyyə Ərəbistanının “El-Vacib” hərbi düşərgəsinin hədəf alındığını bildirib.