Separatçıların bayraqları Tiraspolda qaldırıldı

Qondarma Dnestryanı respublikanın “paytaxtı” Tiraspol şəhərinin mərkəzi meydanında Abxaziya və Cənubi Osetiyanın bayrağının qaldırılması mərasimi keçirilib.

Teleqraf.com xəbər verir ki, bu barədə “Dnestryanı respublika”nın başçısının mətbuat xidməti məlumat yayıb.
Mərasim təntənəli şəkildə keçirilib. Qondarma respublikaların himləri səsləndirilib.

Qeyd olunur ki, bu mərasim Abxaziya və Cənubi Osetiyanın “müstəqil dövlət kimi” Rusiya tərəfindən tanınmasının 10 illiyi münasibətilə düzənlənib. Mərasimə “Dnestryanı respublika”nın “prezidenti” Vadim Krasnoselski də qatılıb.