Tramp jurnalistlərə "qırmızı" göstərdi

ABŞ prezidenti Donald Tramp Ağ evdə FIFA prezidenti Canni İnfantino ilə görüşdən sonra jurnalistlərə qırmızı vərəqə göstərib.

Teleqraf.com xəbər verir ki, öncə İnfantino Trampa qırmızı və sarı kart hədiyyə edib.

"Fox News"un məlumatına görə, Canni İnfantino deyib: "Bu, sizin üçün faydalı ola bilər. Futbolda hakimlərin sarı və qırmızı vərəqəsi olur. Sarı vərəqə - bu, xəbərdarlıqdır", - deyə İnfantino bildirib. O, bundan sonra qırmızı vərəqəni çıxarıb və əlavə edib ki, o, kimisə qovmaq istəyəndə lazım olur.

Tramp isə bununla bağlı bildirib ki, bu, onun xoşuna gəlir.

ABŞ prezidenti FİFA rəhbərinin qarşısında jurnalistlərə qırmızı vərəqə göstərib. Bu, salonda gülüşlə qarşılanıb.