O ölkə yenə qarışdı: ölənlərin sayı 78 nəfər oldu

Liviyanın paytaxtı Tripolidə bir həftədən çoxdur davam edən silahlı toqquşmalarda ölənlərin sayı 78 nəfərə çatıb.

Bu barədə "Lybia TV" telekanalı məlumat yayıb.

Məlumatda bildirilir ki, qarşıdurmalarda 300-dən çox insan xəsarət alıb.

Telekanalın xəbərinə görə, hazırda xəstəxanalarda 210-dan çox zərərçəkən müalicə olunur. 103 nəfər ilk tibbi yardımı aldıqdan sonra tibb müəssisələrini tərk ediblər. Həmçinin bildirilir ki, daha 16 nəfər itkin düşüb.

Tripolidə toqquşmalar avqustun 26-da başlayıb. Qarşıdurmalarda bir tərəfdən 7-ci piyada briqadası, digər tərəfdən isə "Tripoli inqilabçıları" batalyonunun bölmələri iştirak edir.