Rus qvardiyasının hərbçiləri 3 çeçen döyüşçüsünü zərərsizləşdirib.
Teleqraf.com Rusiya mediasına istinadla xəbər verir ki, hadisə Çeçenistan-İnquşetiya sərhədində baş verib.
Silahlılar Fortanqa çayının sağ sahili ilə cənubdan şimala hərəkət edərkən rus hərbiçilərinin müşahidəsinə düşüblər.
Əməliyyat nəticəsində hər 3 silahlı - Mövsər Aleroyev, Anatoliy Hacıyev və Osmancan Koçkarov həlak olublar.
Çeçen döyüşçülərdən 3 “Kalaşnikov” tipli avtomat, qumbara və digər silah-sursat aşkar edilərək götürülüb.
Silahlıların hansı ekstremist qruplaşmaya mənsub olması araşdırılır.