Rusiya erməni ordusunu döyüş vəziyyətinə gətirir – Açıqlama

Ermənistan və Rusiya Silahlı Qüvvələrinin birgə qruplaşmalarının strateji hərbi təlimləri Ermənistanda keçiriləcək.

Teleqraf.com xəbər verir ki, bu barədə Ermənistan Müdafiə Nazirliyi məlumat yayıb.

Hərbi hazırlıq məqsədi daşıyan təlimlər Ermənistan Müdafiə Nazirliyinin Baqramyan adına hərbi hissədə keçiriləcək.

Təlimlərin mövzusu “Hərbi hissələrin və bölmələrin döyüş hazırlığı səviyyəsinə gətirilməsi”dir.

Ermənistan Silahlı Qüvvələrinin baş qərargah rəisi, general-mayor Tiqran Parvanyan bununla bağlı işçi qrupunun müəyyən edildiyini açıqlayıb.