Qəzzada toqquşma: 5 ölü, 75 yaralı

İsrail hərbçiləri Qəzza zolağında fələstinlilərin keçirdiyi “Böyük qayıdış” aksiyasını dağıtmaq üçün silaha əl atıb.

Teleqraf.com xarici mediaya istinadla xəbər verir ki, nəticədə 5 nəfər ölüb, 75 nəfər yaralanıb.

Fələstin Səhiyyə Nazirliyinin sözçüsü Əşrəf əl-Kudra ölənlərdən birinin şəxsiyyətinin müəyyənləşdirilmədiyini söyləyib.

Onun sözlərinə görə, hücum zamanı yaralananlardan 22-si uşaq, dördü təcili tibbi yardım briqadasının əməkdaşları, üçü isə jurnalistdir.

Qeyd edək ki, fələstinlilər martın 30-dan bəri Qəzza zolağında İsrailə qarşı “Böyük qayıdış yürüşü” keçirirlər.