ABŞ Türkiyəyə Yunanıstandan - Xəbərdarlıq etdi

Rusiyanın Aralıq dənizində 26 döyüş gəmisinin iştirakı ilə keçirdiyi “Vostok-2018” təlimlərinə cavab olaraq, ABŞ Avropa ölkələri ilə birlikdə Yunanıstan və Egey dənizində təlimlərə başlayacaq.

Teleqraf.com xəbər verir ki, ABŞ Hərbi Hava Qüvvələri təlimlərdə böyük heyətlə iştirak etməyi planlaşdırır.

Təlimlərə 6 ABŞ donanması komandanlıq edəcək. Eyni zamanda, 40-dan çox “Apachi” və “Black Hawk” helikopterinin də məşqlərə qatılacağı planlaşdırılır.

Türkiyənin məşqlərdə iştirak edəcəyi gözlənilmir.

Bu təlimlərin Türkiyəyə mesaj xarakteri daşıdığı fikri də irəli sürülür.

Oktyabrın ortalarında başlayan təlimlər noyabrın əvvəllərində başa çatacaq.