Urmiyada 3 nəfər asıldı

Bu gün İranda qəsdən adamöldürmə maddəsi ilə təqsirləndirilən 3 nəfər edam edilib.

Teleqraf.com “HRANA”ya istinadla xəbər verir ki, edam cəzasına məhkum edilən Zeynəb Səxanvənd, Həsən Hacilu və Salman Xal Əlilu Urmiya həbsxanasında asılıb.

Xatırladaq ki, 2012-ci ildə 17 yaşında ikən davamlı olaraq şiddətə məruz qaldığı üçün həyat yoldaşını öldürən Zeynəb Səxanvəndiyə məhkəmə tərəfindən edam cəzası verilmişdi. Beynəlxalq insan haqları təşkilatları Zeynəb Səxanvəndin edam cəzasının ləğvi ilə bağlı kampaniya başlatmışdı.