“Rusiyanın “S-300”lərini məhv edə bilərik” – Tel-Əviv silahlandı

Bizim hava qüvvələrimiz Rusiyanın Suriyadakı “S-300”lərini məhv edə bilər.

Teleqraf.com xəbər verir ki, bu sözləri İsrailin regional tərəfdaşlıq üzrə naziri Saxi Aneqbi deyib:

“Rusiya bizi hərbi hücumlardan çəkindirə bilməz. İsrailin görünməz kamuflyaja sahib “F-35” təyyarələri var. Bunlar dünyada ən yaxşılardır. Tehranın Suriyada möhkəmlənməsinə icazə verə bilmərik”.

İsrailli nazir həmçinin əlavə edib ki, onlar artıq “S-300”lər barədə tam məlumata sahibdirlər və onların Suriyadan yerləşdirilməsi yəhudi pilotlara heç bir çətinlik yaratmayacaq.