“Sahillərdən cəsəd toplayırıq, dalğa gətirir” – İndoneziya

İndoneziyada sunami və zəlzələdən sonra ölənlərin cəsədlərini dəniz dalğaları sahilə çıxarır.

Teleqraf.com xəbər verir ki, hazırda ölkədə xilas işləri davam etdirilir.

Axtarış və Xilasetmə qrupunun rəhbəri Əhməd Hamim deyib ki, sunami zamanı həlak olanların cəsədini dəniz sahilə atır: “Biz belə vəziyyətlə üzləşmişik. Dalğaların dəniz sahilinə çıxardığı cəsədlər şişib və bəziləri tanınmaz haldadır.

İndiyə qədər sahillərdən 11 cəsəd toplamışıq. Ümumilikdə son 7 gündə 100-dən çox cəsəd toplanılıb”.