Silahlı kürd qruplaşması çökdürüldü – İranda döyüşlər

İranın qərb sərhədlərindən Kirmanşah vilayətinə keçən terror qruplaşması zərərsizləşdirilib.

Teleqraf.com xəbər verir ki, bu barədə İran Kəşfiyyat Nazirliyi (ETTELAAT) məlumat yayıb.

Keçirilən əməliyyatlarda 2 terrorçu öldürülüb. Çoxlu sayda silah və partlayıcı maddə ələ keçirilib.

Kəşfiyyatda verilən açıqlamada zərərsizləşdirilən qruplaşmanın bir sıra ərəb ölkələri tərəfindən dəstəkləndiyi iddia edilib.

Qeyd edək ki, oktyabrın 13-də İran Kürdüstan Demokrat Partiyasına (İKDP) bağlı silahlı peşmərgələri ilə İran İnqilab Keşikçiləri Qvardiyası (SEPAH) arasında baş verən silahlı qarşıdurmada 6 nəfər həlak olub.

Qarşıdurma İran-İraq sərhədlərinə yerləşən Bidmiri rayonunda baş verib. 3 saat davam edən qarşıdurmada 2 kürd peşmərgəsi həlak olduğu halda, SEPAH-ın 3 hərbçisi həyatını itirib. Hadisə nəticəsində 1 nəfər mülki vətəndaş da həlak olub.