21 Oktyabr 2018 21:59
1 407
12 Punto 14 Punto 16 Punto 18 Punto

Dördüncü beynəlxalq “Göyqurşağı” (“Rainbow”) forumuna bu dəfə ev sahibliyini Ermənistan edib.

Teleqraf.com xəbər verir ki, Tsaqadzorda keçirilən forumda 64 nəfər iştirak edib.

Tədbirə LGBT icmasının üzvləri və tərəfdarları qatılıblar. İlk dəfə olaraq, müzakirələrə cinsi azlıqların ailələri də iştirak ediblər. Forumda Ermənistanda homoseksuallara siyasi və ictimai təzyiqlər müzakirə olunub.

LGBT icması valideynlərlə görüşü ayrı təşkil edib. Homoseksual övladların ailələrdə üzləşdikləri problemlər və çətinliklər müzakirə olunub.

Forum 12-14 oktyabr tarixlərində keçirilsə də, ictimaiyyətdən gizli saxlanılıb.

Qeyd edək ki, avqust ayında İrəvanda polis və ictimai zorakılığa etiraz edən homoseksuallar paytaxtda polis idarəsinə hücum etmişdilər. Hücumda 2 polis yaralanmışdı.


Müəllif: Mənsur Rəğbətoğlu