Dəniz müharibəsi başlaya bilərdi… - ABŞ və Çindən təhlükəli yaxınlaşma

Cənubi Çin dənizində Çinin “052C” tipli destroyeri ABŞ-ın “USS Decatur” destroyerinin 40 metrliyinədək yaxınlaşıb.

Teleqraf.com xəbər verir ki, Çinin döyüş gəmisinin ekipajı “USS Decatur”un marşrutunu “təhlükəli” adlandırıb və amerikalılardan hərəkət istiqamətini dəyişdirməyi tələb edib.

Buna cavab olaraq, “USS Decatur”un üzvləri gəmilərinin Cənubi Çin dənizində dinc məqsədlər üçün üzdüyünü bildirən mesaj göndərib.

ABŞ Dəniz Qüvvələrinin Sakit Okean Donanmasının nümayəndəsi Neyt Kristensen Çin tərəfinin addımının “təhlükəli və qeyri-peşəkar davranış” olduğunu deyib.

Çin Müdafiə Nazirliyinin yaydığı açıqlamada rəsmi Pekinin Cənubi Çin dənizində sərbəst hərəkət prinsiplərinə hörmət etdiyini, lakin başqa dövlətlərin Çinin təhlükəsizliyini təhdid edən addımlarına cavab verəcəyini diqqətə çatdırıb.