“Azərbaycanla rabitə əlaqəsi saxlayırıq” – Ermənistanın müdafiə naziri

Cəbhə xəttində baş verən proseslərlə bağlı Ermənistan və Azərbaycan arasında rabitə əlaqəsi qurulub.

Teleqraf.com xəbər verir ki, bunu jurnalistlərə açıqlamasında Ermənistan Müdafiə naziri David Tonoyan deyib.

O, cəbhə xəttində baş verənlərlə bağlı hər iki tərəfin informasiyalarla təmin edilməsi üçün məsul şəxslər təyin olunduğunu, rabitə əlaqəsinin kommunikasiya vasitəsilə həyata keçirildiyini qeyd edib: “Bu ünsiyyət səmərəli şəkildə işləyir”.

Tonoyan bildirib ki, bu, hadisələrin riskini azaltmaq vasitəsidir.