Putin Poroşenkonun zənginə cavab vermədi

“Hərbi gəmilərimiz Kerç boğazında saxlanılmasına dair məlumat verilən kimi Putinlə telefon danışığı sifariş etdim, lakin cavab ala bilmədik. Ona görə də Angela Merkelə müraciət etməli oldum ki, o bu məsələ ilə bağlı Putinlə danışsın”.

Teleqraf.com xəbər verir ki, bu barədə Ukrayna prezidenti Pyotr Poroşenko bildirib.

Qeyd edək ki, Kerç boğazında Rusiya Ukrayna Hərbi Dəniz Qüvvələrinə məxsus 3 gəmiyə hücum edib. Silahlı hücumdan və tarandan sonra gəmilər zəbt edilib və yedəyə alınaraq Kerç limanına aparılıb. İnsident nəticəsində 6 Ukrayna hərbçisi yaralanıb. 24 ukraynalı dənizçi əsir götürülüb.