Tiflisdə gərginlik: müxalifət mitinqlərə başladı - Foto

Gürcüstan müxalifəti Tiflisdə Rustaveli küçəsində etiraz aksiyası keçirir.

Teleqraf.com-un xəbərinə görə, "Birləşmiş müxalifət"in aksiyasında növbədənkənar parlament seçkilərinin keçirilməsi tələb olunub.

Minlərlə etirazçının qatıldığı aksiyada müxalifət liderləri prezident seçkisinin ikinci turunun nəticələrini tanımadıqlarını bildiriblər. Onlar seçkilərin saxtalaşdırıldığını iddia edirlər.

Aksiyada "Birləşmiş müxalifət"in lideri Qriqol Vaşadze, Gürcüstanın sabiq prezidenti Mixail Saakaşvili(Skpye vasitəsilə) və digər müxalifət liderləri çıxış ediblər.