6 Dekabr 11:17
549

İran Mədəni İnqilab Şurası sədrinin qadınlar və ailə üzrə müavini Firiştə Ruhəfza ölkədə gənclər arasında yaşanan cinsi böhran, evdən qaçan yeniyetmə qızlar və azyaşlı qadınlar arasında fahişəliyin sürətlə yayılması haqda ilginc fikirlər səsləndirib.

Teleqraf.com xəbər verir ki, o, ölkədə yaşanan böhrana görə gənc qızlar arasında evdən qaçma hallarının artdığını bildirib.

Firiştə Ruhəfza deyib:

“Evdən qaçan qızların əksəriyyəti 13-15 yaşlarında olanlardır. Bu barədə statistik rəqəmlər mövcuddur. Lakin yaxşısı budur ki, bu rəqəmlər açıqlanmasın. Çünki belə bir narahatlıq var ki, belə bir açıqlama bu yaşlarda olan digər qızları da eyni addım atmağa sövq edə bilər.

Təəssüflər olsun ki, İranda fahişəliyin yaşı cavanlaşaraq 13 yaşa enib. Qız və oğlanların bir-biri ilə tanış olması yaşı da xeyli azalıb və artıq onlar ibtidai məktəb yaşlarından bir-biri ilə tanış olur, dostluq edirlər. 13 yaşına çatan qızlar cinsi məsələləri tam başa düşür, bu kimi mövzularla maraqlanmağa başlayırlar. Bu maraqlanma isə onlarda əks cinsdən olanlarla tanış olmaq və cinsi baxımdan öz ehtiyaclarını təmin etmək məsələsinin ortaya çıxması ilə nəticələnir”.

Şura rəsmisi hökumətə çağırış edərək, belə hallara qarşı nəzarəti gücləndirməyi istəyib.


Müəllif: Mənsur Rəğbətoğlu
Загрузка...