7 Dekabr 11:02
240

Ukraynada iki Türkiyə vətəndaşı Rusiya Prezidenti Vladimir Putin və Baş nazir Dmitri Medvedyevin simasına bənzər maska taxan silahlı şəxslər tərəfindən soyulub.

Teleqraf.com xəbər verir ki, Lubyanka kəndi yaxınlığında türklərin avtomobilini zorla saxladaraq onlardan 20 min dolların alan qarətçilər artıq yaxalanıb.

Kiyevdə beş ünvanda aparılan axtarışlar zamanı dörd nəfər saxlanılıb.

Saxlanılan şəxslərin evində əl bombası da daxil olmaqla Vladimir Putin və Baş nazir Dmitri Medvedyevin maskaları da tapılıb. Qarətçilərin 30 və 55 yaşlarında olduğu bildirilir.


Müəllif: Nərgiz
Загрузка...