ABŞ Ermənistandakı vətəndaşlarına xəbərdarlıq etdi

ABŞ-ın İrəvandakı səfirliyi Amerika vətəndaşlarını Ermənistana səfər edərkən ayıq-sayıq olmağa çağırıb.

Teleqraf.com xəbər verir ki, bu barədə diplomatik nümayəndəliyin saytında yerləşdirilən məlumatda deyilir:

“ABŞ-ın İrəvandakı səfirliyi bayram tətili günlərinin yaxınlaşması ilə əlaqədar vətəndaşlarını ayıq-sayıq olmağa çağırır. Bu dövr ərzində qarət və soyğunçuluq halları arta bilər”.

Diplomatik nümayəndəlikdə bəyan ediblər ki, transmilli terror təşkilatları və ekstremist ideologiyası ilə ruhlanan ayrı-ayrı şəxslərdən ərafa daim təhlükə var.

“Ekstremistlər turistlərin çox olduğu yerləri, o cümlədən, ticarət mərkəzlərini, aeroportları, klubları, restoranları və nəqliyyat qovşaqlarını diqqət mərkəzində saxlayırlar”, - bəyanatda qeyd olunur.