Mülki şəxslərə hücum: 47 ölü, xeyli yaralı var

Mali Respublikasında mülki şəxslərə hücum edilib və 47 nəfər öldürülüb.

Teleqraf.com xəbər verir ki, hadisə ölkənin Şimalındakı Tassalatin və Tinabav bölgəsində baş verib.

9-12 nəfərlik silahlı qruplaşma mülki insanlara hücum edib. Onların kimliyi hələlik bəlli deyil.

Qeyd edək ki, Malinin şimal və mərkəz hissəsi 2012-ci ildən etibarən vətəndaş müharibəsi, terror və qarşıdurmalara şahidlik edir.

Fransanın bu ölkəyə göndərdiyi 4 min hərbçi və BMT-nin 15 min nəfərlik sülhməramlıları bu günə qədər təhlükəni aradan qaldıra bilməyib.

Xatırladaq ki, Mali Respublikası Afrikanın Qərbində yerləşir və birbaşa dənizə çıxışı yoxdur.