İraq Türkiyəyə nota verdi

Türkiyənin İraqdakı səfiri Xarici İşlər Nazirliyinə çağırılıb.

Teleqraf.com xəbər verir ki, dünən axşam saatlarına təsadüf edən görüşün məqsədi açıqlanıb.

İraq Türkiyəyə məxsus qırıcının hava sahəsini pozduğu səbəbindən bu ölkənin Bağdaddakı səfirini Xarici İşlər Nazirliyinə çağıraraq ona nota təqdim edib.

Nazirlik qeyd edib ki, Türkiyəyə məxsus qırıcının PKK-nı hədəfə alan hava zərbələri bölgədə insan və əmlak itkilərinə səbəb olub.

Ankara İraq tərəfindən səsləndirilən bu ittihamları hələlik cavabsız buraxıb.

Qeyd edək ki, ötən gün Türk Silahlı Qüvvələrinin açıqlamasında qeyd olunub ki, Şimali İraqda keçirilən hava əməliyyatı zamanı 8 PKK terrorçusu öldürülüb.