ABŞ prezidenti Barak Obama “İslam Dövləti” (yəni İŞİD) adlı terror təşkilatının amerikalı jurnalist Ceyms Folleyi başını kəsərək öldürməsinə görə cəzasını alacağını bir daha bəyan edib.
Teleqraf.com modern.az-a istinadən xəbər verir ki, ABŞ lideri İŞİD-dən əl çəkməyəcəklərini bildirib. Ağ Ev rəhbəri bildirib ki, ədalət öz yerini tapacaq:
“Xalqımıza zülm verənlərə mesajımız aydındır. Amerika unutmaz, əlimiz hər yerə çatır və ədalət bərqərar olacaq”. Lakin ABŞ dövlət başçısı etiraf edib ki, İŞİD-lə mübarizə elə də asan deyil: “İŞİD kimi xərçəngin kökünü qazımaq asan deyil. Bunu sürətlə həyata keçirmək olmur”.